-------------------
اعاين ليك اشوف الدنيا في عينيك..
مباهج كـلها و افـراح
و كون كـله جماليات
خالـي من أسـى و اتـراح
اعاين ليك يغشـاني السرور كلي
و يجيني النعيم ينداح
اعاين ليك و غـالـبـني اقـــول اهـــــواك
فـضـلـت السكوت قانـع برؤيـة وجهك الوضاح
اعاين ليك اقول سبحانه من سواك
ادب و جمال و رشاقه و رقة نسمة الاصباح
اعاين ليك روحي تنشـرح و تطـيب
و قلبي برؤيتك يرتاح
اعاين ليك وبـالـي منشـرح مسـرور
بروعتـك و بحسنك من بدري و انا مبهـور
أتامل بهـاء خديـك واحـه من ورود و زهور
اعاين ليك بعين رسام لمرسـومه
اعاين ليك ومن شافـك تزول احـزانه و همومه
اعاين ليك بعين بستـاني لزهوره
و عين عطار يصفـي ينـقي في عطوره
اعاين ليك بعـيـن الام للمولود
و عين الاهل للغـايب وقـت ما يعـود
و اجيك بلهـفـه ما توصف
و شوق يا السمحه ماله حدود
و اقول يارب تسعـدها
و بالخيرات عليها تجود
و تحميهـا من الحسـاد
و لا تشـقيها يا معبود
اعاين ليك .اعاين ليلك .اعاين ليك..
شعر
_عيسى بن علي السلامي_
ليست هناك تعليقات:
إرسال تعليق