**أميرة قلبي**
يا قمر الليالي يافرحة عمري
ياضي العين ونور حياتي
يارفيقة أيامي وضحكة عيوني
يا أميرة قلب أمك يابنت عمري
بيوم ميلادك الورد زهر وغني
دي سندس جت ع الدنيا يافرحي
محروسه من العين يا بنتي
محمية بإسم الرحمن يا حبيبتي
وعشان كده سميتك أميرة قلبي
في عيد ميلادك بشكرك يا روحي
على كل فرحة دخلتيها في صدري
علي كل وسام رسمتيه بحب في عمري
بشكرك على شرف إنك بنتي وأميرتي
لأنك إنتي طاقة كالرياح تمنحني قوتي
لأنك إنتي موجودة في دنيتي
سندي في وقت كسري وضعف حيلتي
شكراً لأنك وقت ضعفي إنتي سندي
شكراً لأنك وقت كسري إنتي ستري
كل عام وإنتي يافرحة عمري بترفرفي
أفراح وسعاده تنور عليا ظلمتي
كل عام وأنتي شمعه تزين جبهتي
عيد ميلاد سعيد يا أميرة قلبي
اللهم بارك لكي وبكي وعليكي
اللهم امين يارب العالمين
بقلمي سهام اسامه
Seham Osama
ليست هناك تعليقات:
إرسال تعليق