بتوجع قوي
لما تلاقي نفسك مخنوق ومش لاقي حد تتكلم معاه لاصاحب ولاحبيب
بتتألم جدا لما بتشعر انك غريب في ارص الله الواسعة
بتحس بالالم الفظيع لما تلاقي روحك في دوامة من الهموم والبلاوي ومافيش حد حتى يسألك مالك ياخويا ايه اللي بيوجعك
رغم ان الدنيا واسعة قوي
وحواليك طوابير من الناس لكن ياخسارة كلهم مش حاسين فيك موجودين قدامك زيي اللوحة بيجملوا المنظر لكن مشاعرهم واحاسيسهم بعيدة عنك مش سائلين عنك ولاحتى مهتمين بيك
الوحدة مرة سم رعاف انك تلاقي نفسك وحيد رغم وجود الجماهير
اه لو تلاقي بس قلب واحد حنين يحبك يحس بيك او تلاقي روح واحده طاهرة تناجيك تواسيك تشيل معاك هموم الدنيا
القلب الطيب ده
والروح الحلوة دية تعوضك عن الم السنين
وحدها كفاية تخليك تعيش بامان وسلام وتخليك تتاكد بانك انسان من لحم ودم وشعور واحساس
مال الايام دية القلوب فيها اتحجرت والارواح فيها اتمزقت والنفوس انتحست كل واحد دلوقتي بقى شعاره انا وبس ومن بعدي الطوفان مابقاش فيه رحمه ولاعطف ولاحنان
المشاعر اتلبدت الاحاسيس اتجمدت ليه الزحمة القوية والتكالب على الايام ظانين انهم هايخلدوا طول الزمان ناسيين مش عايزين يتاكدوا ان الدنيا دية دار فناء وزوال مش دار خلود وبقاء
الرحمة مطلوبة ياناس
عشان ننتصر على غدر الزمان
لازم نكون اخوة متحابين متوادين
نقهر اهات الحياة
21 يناير2022
عارف البديوي
ليست هناك تعليقات:
إرسال تعليق