(((( رؤيه فنية ))))
رباعيات الأحزان (( خلف خلاف ))
( للحزن في قلبي مكان )
دايما بتمشي خلف خلاف
ياكيس بلاستك خفيف شفاف
٧ سنين تمر عجاف
وقت الشدايد رجال ما تخاف
رميت حمولي بقيت درويش
فارد جناح في الهوا بلا ريش
واللي بيجي عليك بقشيش
قافل حياتي أزاز وبشيش
قمري الليالي بعدي يفوت
كل الورود دبلت بتموت
ودموع عنينا تنزل في سكوت
ولجام لسانا مش مربوط
يا نعسه ليه صبرك أيوب
صدق المشاعر جليد بيدوب
والوعد قسمة نصيب مكتوب
سواقي دايرة شروق وغروب
كلمات الصدق
فارس الليل الحزين
محمد عطية محمد
23/1/2022
ليست هناك تعليقات:
إرسال تعليق