مين قال تعالي وإتفائلي
هو أنت عارف أنه مش مكتبولي
طب إزاي والهم لاحقني في كومي
دا مصاحب أيامي وعمري
والملل شالل تجاويف صدري
والوجع حالف مايفارق طرفي
وبتقولي تفائلي هو انت عارف أصلي
مولودة في دنيا غريبه وجاحده
عمرها ماطيب في يوم وجارحة
عماله تدوس علي وجعي بقوه
مالهاش مِله ولاتعرف تداوي جرحي
أتفائل ازاي وأنا دمعي محجر
باني جوايا بيوت لشهداء بيت المحجر
إللي ماتوا وخدوا معاهم منديل دمعي
أنا عايشة مع ناس قاسية وجاحده عليّ
من يوم يومي مش عارفه أعيش بينهم
دي ناس خارجه عن حدود البشر وياويلهم
لو طأ جناح صبري وإنفلت مني
راح أنتف بإيدي ريش الود لو سال دمي
وبلاش حد يوصف لي ازاي أداوي جرحي
ويقولي إتفائلي وأصبري علي جرح إللي منك
يمين بعظيم لو تعرف تشيل نسلهم من بطاقتي
أوعدك وقتها راح كون متفائله وغير كده ماتطلب
قال تفائل قال ياسيدي انت مش عارف حاجه
وكل واحد يشوف بالأول حاله ويتفائل لنفسه
بقلمي سهام اسامه
Seham Osama
ليست هناك تعليقات:
إرسال تعليق