الموت خدك منا ياغالي
يا أبو المقام عالي
وصفينا وحدينا للغادر
إللي بيقطع فينا ويتغرغر
بدم إخواتك ياللي كنت حامينا
بحلف يمين بعظيم لو كنت بينا
كنت دفنتوا بإيدك في أرضة
ولا كان هان عليك دمعه
جاي يعيب في أبوك وابويا
ويقطع فى لحم اختك وفيا
نسي لما باس رجلينا لجل نسامحه
دلوقت بيقول راح أعدل فيكم المايله
فينك ياسيد الرجال ياشقيقنا
الموت خدك وفات لنا وزر نسلنا
غدر يا صادق ماقولكش حرقنا
قلة أصل ياغالي ماتتوصف بجوفنا
عاملين علينا مشايخ وهما مايعرفوا فين القِبله
كلهم عيوب وعايزين يوسخوا توبي أنا واختك
مكتوب علينا بالبطايق أخ يشلنا
وهو فى الأصل بيقطع طرف توبنا ويشلشلنا
بس وعد بعدك يا صادق مالينا شقايق رجال
ولا نعترف بعدك بشنب في حياتنا ولو شدينا الرحال
قطعنا الوصل بعدك وخلاص إحنا رجال حالنا
يمين بعظيم مانعرفوا ولا يوم يشوف فرحنا
ولا وقت الممات يمد الإيد ياخد عزانا
ملعون الدم إللي يسم بدنا ولا يكون في عروقنا
فينك ياشقيقنا ياعالي المقام يا أبو الرجال
بقلمي سهام اسامه
Seham Osama
ليست هناك تعليقات:
إرسال تعليق