حلمت وتمنيت
علقت حبل الأمل وترجيت
عشقت أو حبيت
وقلت مع راسي جربت وبغيت
ما انا دليل على اصلي تخليت
بالحلفة وسادي بشوكها ماتهنيت
والطفولة باش تكويت
لا ماتمنيت ولا ما ترجيت
ولاغيت لأم الغيث
كان صداها في وذاني رّد خبيث
خيرك يا بلادي ها للي منو جنيت
ماقلت عيب ماتعديت
ما فطرت ماتغديت
ماصايم وما تعشيت
الفرحة بالقهرة ومعها تربيت
من غمها نقول خزيت
ومن عشق الحياة بيديا فيها شديت
نويت ومانويت
شمعة تنور البيت
دموعها حيرة وبجمرها تكويت
لا ما تمنيت ولا ماترجيت
واش الساقية ماها زيت
ماشفت خير ماعليه تخبيت
مادق الحظ بابي ولا عليه ردّيت
نكسة ونكبة وبيهم رضيت
ما قلت عيب ماتعديت
ما انا صايم ما تعشيت
من خيرك يا بلادي يا ريت
شعبي مصطفى
ليست هناك تعليقات:
إرسال تعليق