****************
يا عم يا خال
ما تتحسر دى الاقدار
رزقك موجود عندالقهار
خلق الارض كوكب سيار
قادر يرزقنا صغار وكبار
ويعوض صبرك زى ما شال
لو مادبر ما ودر اسرار
الله يخلف بي ستر الحال
يخلف ليك و يصبح تذكار
ماسى النيل البقى غدار
حطم آمال قطع المشوار
مالك يا نيل كفانا حسار
تهدم تقلع حتى الاشجار
تحفر تنبش كل الاسرار
ماذا نعمل ربنا اختار
المهم الصحه و مافى ودار
ما تخاف يا خال؟
ما انت براك الغرقو كتار
الناس تتقاسم لقمه ودار
الجار للجار ابدا ما جار
ديل اهلنا للصدق شعار
وفى الظلمات ضو ومنار
كلهم ا خوان بسندو ال.جار
ويقيفو معااك لو زمنك جار
ما تخاف يا خال؟
بين القصة وطول المشوار
تتلقى دروس تعرف اسرار
وتاكد انه الخير مدرار
ساكن جواك وكلك اصرار
انك تصبر على الاقدار
وتكتب اضرارك اجمل تذكار
احتسب لو زمنك جار
انتظر الواهب القفار
الرحمة تجيك غير مرسال
من الما بنوم ليل ونهارك
حياة الملك سعيد
**************
ليست هناك تعليقات:
إرسال تعليق