بقلم فارس الكلمة
أحمد المصري
قال الكلام للصمت..
هو أنت ليه ساكت
ولا الحروف لعبتي
وعندك حاجات ماتت.
رد الصمت وقال..
أتكلم..ما أنا ياما
زمان أتكلمت
وياما كمان أتألمت
لحد ما كلامي خلص
وشقيت كمان...فسكت.
قال الكلام للصمت
بس السكوت مش حل
الحل تفرد شموسك
على أرض طالها الضل.
رد الصمت في هدوء
بس السكوت أحلى
أصل الكلام دا ساعات
يخرب عقول صاحية.
قال الكلام للصمت
نقي الكلام الجميل
خليه لطريقك دليل
وأبعد كلام السم
وخليه في كلامك ذليل.
قام الصمت وقال
ما تيجي نتشارك
ساعة الكلام الحلو
هنقول وهنبارك
ولما يطلع عفش
نسكت ونتشارك.
قال الكلام للصمت
ماشي أنا موافق
وع الخير هنتوافق
ما الصمت بعد الكلام
لازم بيتوافق.
بقلم فارس الكلمة
أحمد المصري
مصر
ليست هناك تعليقات:
إرسال تعليق