كلمات .. د. علاء البسيوني
وقفت قدام بحر الهوى اشكى
وارمى همومى جواه
فى كل موجة بتوصلنى
الاقيها بتاخد اناتى معاه
أقوله يبحر انت سامعنى
ولا موجك بس سامع صداه
جاوبنى يبحر لوتسمح
دالقلب عليل والهم والحزن ملاه
جاوبنى يبحر عشان خاطرى
خلاص قلبى مبقاش يقدر
غدر الزمن وقذارة الحياه
قولى يبحر لوتسمح وجاوب
على سؤال حيرني وملقتلوش جواب
لامتى حاستحمل لهمى رزلته
اصله تقل عليا وما ينفعش له عتاب
لامتى حاتيجى عليا الأيام
وملقلهاش ليا جواها صحاب
لامتى حاستحمل غباوة ونداله
لأ والأكادة بيسموا نفسهم أحباب
بيرسموا الضحكة قدامى
ومن ورايا بيزودا العيشة هباب
تعبت يبحر من غدرهم
مع انى بدور لغدرهم عن أسباب
عشت معاهم عالحلوة والمرة
ومديت ايدى بكل مالذ وطاب
عطونى القسوة والمرة كاسات
وقالوا عليا اش جاب لجاب
ونكروا عليا مساعدتهم
ونسيوا الفضل والأسباب
قولى يبحر من فضلك مين
الغلطان عشان أهدى
يمكن انا اللى كنت انسان كداب
وبنيت قصور من الوهم على رمالك
وفكرت أنهم كانوا فى يوم
أصحاب
عشت سنين معاهم فى زمن كداب
ولما وقفت قدامك اشكى جت
الموجة هدت قصورى إللى بنتها
على رمالك
وقلتلى فوق كل ده كان وهم كان سراب....
وقلتلى فوق كل ده كان وهم كان سراب....
د. علاء البسيوني
ليست هناك تعليقات:
إرسال تعليق