صرلي سنين واقفة ع الشط وناطرة
بلوعة وشوق وألم و عيون ماطرة
وصوب هاﻷفق روحي عاطول مسافرة
وبعدني كلامك وتلويحة إيدك ذاكرة
وحبنا وغرامنا والعهد بيناتنا مش ناكرة
وكل م لمحت سفينة من بعيد جاي
من كتر شوقي إلك بحلق بطير
من دون جناح بسابق عصافير
وبأقل من ثواني بصير
عا سطح السفينة وبقلبها حاضرة
وهونيك بصير فتش عليك
تاشوفك واتمسك بإيديك
وبتوه وبغرق وبحلم بعينيك
وبعد حلم طويل بفيق وبلاقي
حالي عالشط مرمية والسفينة مهاجرة
..................
أحمد ابراهيم ريشة/نلتقي لنرتقي
ليست هناك تعليقات:
إرسال تعليق