اعرف أني مش بحب المفاجآت
لو صاحبي خاف عليا من المناوشات
بلاش تاخدني لبحر مليان حيتان
لو كلوني لحم يرموا العضم ويقوموا جيعان
لو صاحبي بلاش تحطني في عش الدبابير
وأنت عارف اني لو عصبت معانديش تدابير
بلاش تحطتني في خط بارليف
أكيد أنا وقت الحرب ماليش وليف
لو صاحبي بجد لازم تعرف أني
قلمي حر مش موصوم باللون الأصفر
ولا أنتمي لشبكة أو اتبع مكان تحرير
أنا بكتب لنفسي مش لشوية مجانين
ولو صاحبي بجد لازم تعرف أني
أبويا صحافي حر ويشهد له مطابع التحرير
أنا وريثة رجل القلم الحر اللي بيقول بجرأه لاء
روزاليوسف وصباح الخير يشهدوا له بالولاء
لو صاحبي بجد بلاش تدخلني حرب مع معاتيه
دا الصاحب الصح يخاف عليه من كلمة جارحه
بيجري وينصح ويعلم ويفوق يبعدني لجل ما أغرق
صاحبي إللي عارف أصل حروفي ميراث أبويا
صاحبي إللي بيطفي النار بجوفي عارف طبعي
وبكل صراحة بعلنها أنا لا أنتمي لأحد يغرقني
بقلمي سهام اسامه
Seham Osama
ليست هناك تعليقات:
إرسال تعليق