خود بيدي
وأصلح امري
الزمان دَّاني
غارق فلهموم...
هادا حالي
سارح بوهالي
ما يجيني نوم.....
لله نترجاك
خود بيدي
وأصلح امري
امسح بيديك
الصدر المضيوم
يتفاجى خاطري
ينشف دمعي
ننسى ديك لغيوم...
عْلَاش انا يالْعالي
من دون الناس
طَارِي لِي مَا طًاري
عْيِيت نْدَارِي
نْهَزْ ؤُ نْرًاري
لا كلام زين سمعتْ
لا واد قطعتْ
ولا رجلي نَشْفَتْ ....
حالي بين يديك
باين ما خافي عليك
نَقِّي طريقي من الشوك
يزهر فداني
يطلع الورد قدامي
تتحقق أحلامي
نحصد ديك القgمرة
تعمر مطامر ايامي
خود بيدي
أصلح امري
حتى انا بنادم
من حقي نحلم
قبل ما تجي
الحملة ؤ تديني
يكون فات الفوت
وما ينفعني الندم....
حميد النكادي 25\9\2020 فرنسا
ليست هناك تعليقات:
إرسال تعليق