بـعـتـذر لَـكْ يا حـبيـبي
و كُـلـي حاسـس بالنـَّدم
لأنـُّه قـلبكْ الـحـنـيـِّن
عـانـا منـِّي وانـظـلـم
أرجـو يشـفـع لي هيامي
و حـبـّي لَـكْ منـذ القـدم
و ريدتـي ليك الشـديـده
تـنـسـّي قـلـبَـكْ الألم
عشمي تـعـفي و تصـفح
وظـنـّي ما يخـيب العشم
غصب عني ياحياتي
هذا عن عشقي نجم
مـا بـصـدّق الـعـواذل
واهل قيـل و اهل النـمـم
اذني لو تسمـع وشـأيـه
فيـك تـبـلى بالـصـمم
اصلو قـلبي قـبـلك انـت
من الـسـعـاده انـحـرم
شاف معـاكْ بهجه و مسرّه
و ذاق للـدنـيـا طَـعَـمْ
والزمان الكـان مـعـانـد
لآن والـحـظ ابـتـسـم
ابـتـدت الـريـده مِنـَّكْ
وبـيـك لازم تـخـتـتـم
عشت طول عمـرك مثالي
رمـز للخـيـر و القـيـم
في الشـرف من بيت عالي
منـبـّع الـجـود والكـرم
آه .. لـوتعـرف فـراقَـكْ
كـم يـشـكـل لـيّ هـم
وانه فـي حـالة غيابـك
الـدمــوع اذرفـهـا دم
لحـظه ما بتـبـرح خيالي
بـس مـلازمـنـي لـزم
و انـت في (الخرطوم) سالي
بيـن الافـراح والـنـغـم
رسـم المـولى جـمـالَكْ
و يـا.. لـروعـة ما رسـم
و لـ صـالِـحْـكَ التـنافس
بين الحـلـويـن حـسـم
نظـره من عيـنك يامدهش
تشفي من كـلّ الـسَّـقَـم
نَـفْـثَـه في ممسوس تطبه
يـبـرى مـن ذاك الوَهَـم
الله يـعـلـم يا حـبيـبي
حـبـي لكْ مـقـداره كم
وعيـني غيـرك ما مـلاها
زول اقـسـم لـك قـسـم
شعر
عيسى السلامي
ليست هناك تعليقات:
إرسال تعليق