@@@@@@@
حبيتك من قلبي
وكنت لي ظلي
توجتك علي راسي
لقيت معاك ذلي !!!!
ومن أول مشكلة
ندمت اني حبيتك
كبرت ليه المشكلة
دا أنا عمري ما عريتك
وقول لي ليه تعمل كدا
دا انا بنتك...دا انا بيتك !!!!!
قلبي كان لك كتاب مفتوح
ونقاط ضعفي عريتها قدامك
طلعت بيك السما
وإنت ولا علي بالك
دوست علي وجع ايدي
ومسكته بأنيابك
وصبرت علي وجعي انااااا
ودعيت ربي يصلح حالك
جاي دلوقتي تعايرني اناااا
تعايرني بأفضالك
دا انا ياما كافحت معاك
ياما صبرت علي مرارك
ياما حزنك علي حزنك
وياما سعدت أيامك
دا انا كنت معاك علي الايام
أنا كنت حضنك...وأنا دارك !!!!
أنا صبري معاك فاق الخيال
وده كله برضو عشان حباك
لو كنت بحبك هعيش في هلاك
كفاية وجع...هبعد وأنساك
إذا كنت فاكر اني طيبة
دا انا كنت عبيطة ومصدقاك
طيبتي المفرطة بقت لعنتك
اللي ملازماك وماشية وراك
وبحق وجعي لاعرفك
واخليك تمشي تبص وراك
بعدك عني مش هيكسرني
بل بالعكس هنسي أساك
هنسي وأعيش واكون اقوي
وبكرة تتمني عيشتي معاك
هشوفك وامشي ومش ههتم
وهكون أقوي وانا مش وياك !!!!
مش كل غدر نهايته الكسر
ولا كل غدر نهايته ممات !!!!
بقلم/
الشاعرة،،،،،،مها بركات
ليست هناك تعليقات:
إرسال تعليق