سفير المحبة والسلام
{ليلة حب}
كل ليله وكل يوم
بحلم وقلبي دليلي
ف بحر عنيكي بعوم
وانسي التعب والنوم
يا ملكاني وعشقاني
يازارعه الشوق ف احضاني
بعيد عنك بقول ويلي
يامرسومه بكحل العين
ونظراتك بشوق وحنين
تعالي نجمع القلبين
وأغنيلك يا نور عيني
يا أغلا حاجه ف حياتي
معاك بتحلا اوقاتي
وبنسي تعبي واهاتي
وحبك نبض شرياني
تعالي ف حضني ياحبيبتي
وأرسي عليكي بسفينتي
يابيتي وأهلي ومدينتي
عنيكي انتي عنواني
عشقتك يا حبيبت الروح
يابلسم شافي اي جروح
سكنتي القلب ويا الروح
يا أحلا قصيده ف ديواني
بشوف نفسي ف عنيكي
وأطوف اشواطي حواليكي
وبروحي وعمري أفديكي
يا حلم بشوفه ف نهاري
عشقك سوالف ليل
شفايفك لونها جميل
كل اما اشوفها بميل
عشان جمالها رباني
دكتور /أيمن شعبان أحمد الناقر
ليست هناك تعليقات:
إرسال تعليق