الشاعر الدكتور اليان سمعان

{}{0}{} اصعب سؤال درب السعادة وين {}{0}{}

~~~~~~~~~~~~~~~~~~~~~~~~~~~

درب السعادة وين بيسال

المحبوب

{}{}{}---==0 محتار شو جاوب مافي حكي بينقال

***

عم تمرق الايام وتعبت

هالقلوب

{}{}{}---==0 وبعدو لوحدو الفقر ساكن بعرزال

***

قالو السعادة هنيك توجه

عالجنوب

{}{}{}---==0 يمكن تلاقي الفرح وتتغير الاحوال

***

لما وصلنا لقينا عابابهن

مكتوب

{}{}{}---==0 ليش جيتو هون درب السعادة شمال

***

رجعنا شمال نشوف وراسنا

مقلوب

{}{}{}---==0 تاري السعد هونيك مابيعرفوه اجيال

***

قديش شفنا ناس معترة

بدروب

{}{}{}---==0 وشمال خي جنوب كلو حكي واقوال

***

حاجي ياخيي تدور كلو قدر

مكتوب

{}{}{}---==0 غيرك تعب قبلك غير الشقا مانال

***

قلي الزمن هدي حاج

يامغضوب

{}{}{}---==0 السعد بحياتك هون وبايدك بينطال

***

عيش الفرح بالبيت وعندك

المطلوب

{}{}{}---==0 السعد عيشو هون والفرح بعيال

***

كنز القناعة الغدا والرضى

المشروب

{}{}{}---==0 وضحكة طفل الزغير بتجدد الامال

***

بنك الفرح عندك والدهب

مسكوب

{}{}{}---==0 افتح للتواضع فرع والحب رسمال

***

العمر كلو نهار بكرى بيجي

الغروب

{}{}{}---==0 ارضي لربك دوم بصالح الاعمال

***

درب السعادة هون حاج تروح

جنوب

{}{}{}---==0 وترجع ترد تروح وتغلط عالشمال

~~~~~~~~~~~~~~~~~~~~~~~~~~~~

صباح القناعة والرضى والعمل الصالح

مسا المحبة والوفى ولمة العيلة

صباح الامل والخير

اصدقائي الاحبة

--------------------------------------------------

سفير اكاديمية السلام العالمية في المانيا

فرع كاليفورنيا الولايات المتحدة

الدكتور اليان سمعان

لكم محبتي