----------------
سهرانين نستنى النوم
يجينا ...وبيهرب تاني
ازاي هينام المهموم
وقلبه دايما بيعاني
نصيبه يكون له حبيب
الحس عنده اندفن
مابيعرف الا التعذبب
وداب عليه الكفن
حبيب حيرني امره
دبت من غلبه وسهره
تاعب قلبي وحياتي
مش عايز مية نهره
ان قولت ف يوم يمين
يقولي هو شمال
قربت احلف يمين
اريح منه البال
متعب وتعبني معاه
وغلبت كتير وياه
يرضيني مره وافرح
وبعدها اصرخ م الاه
---------
بقلمي / رمضان عبدالله أحمد
ليست هناك تعليقات:
إرسال تعليق