عبدالمنعم عدلى..مصر
ياللى إنت غاوى
تعال وإسمع
وشوف الحكاوى
وإن كنت هاوى
إتعلم من
أصل الحكاوى
كنا صحبه حلوه
الصباح يجمعنا
والليل على مضجعنا
وعلى السهر
تحت الشجر وإتعودنا
وفنجان القهوة
مع غنوه وحدوته للصحبه
والهم مش بتعنا
أطفال بتلعب
والضحكه الحلوه
مرسوم عليها البسمه
وفى أخر الليل
كثر البارود
والصواريخ من
كل ناحية
وإتفرقنا والكل
مرمى على الرمل
وهدمت الديار
والبكاء والنواح
عويل وسيول
من سماء الوجود
على خدود حزينة
وتحولت البسمه والضحكه
لإنهيار فى الصحبه
آاه من المكتوب
اللى مافى منه مهروب
نجرى ونبحث عن
مخرج على الحدود
والكل نفسى نفسى
ويأمن الحدود
مكتوب عليك يابلادى
تشوفى القهر
وإنت فى عز أمجادك
سالوا التاريخ
سالوا الورد والشجر
سالوا العمر
اللى إنهدر
كيف بلادى
ومجد أجدادى
مش هأبكى وولول
هشيل سلاحى
وأدافع عن
مجدى ومجد بلادى
وبلاد أحفادى
وأجعل من الرمل
حفره لأعدائ
مش هستنى
مين يأخذ
حق بلادى
بيدى أنا
هحرر أرضى
وأحافظ على التراث
ولايقول الناس
عويل وساب أرضه
وعايز حد
يدافع عن أرضه
أنا العربى
أنا الوطنى
حامى عرضى
حتى لو سال دمى
هتنبت الأرض
زهرة منى
تكمل مشوارى
ومشوار عمى
أنا العربى
غاوى حب بلدى
بقلمى عبدالمنعم عدلى
ليست هناك تعليقات:
إرسال تعليق