علي عوده
بحب اشوفك قدام عنيا
واحس بيك ان انت ليا
قريب قريب وبين إديا
والا انت شايف غير كده
أفكرك أنا مين
فتح شمال ويمين
واسأل عيون وجبين
الضي جاي امنين
ده انا القمر عندي
لا يجيب ولا يودي
وانا اللي قطر الندى
يحلم على خدي
وانا مش شويه
لو الربيع ما خدش من فساتيني ما استقبلوش
لو الندى ما حلمش يوم عجبيني ما انعطلوش
وانت حبيبي ونور عيني
شوف قد إيه حتهنيني
تقدر تكون زي الندى
تقدر تعيش ليا أنا
والا الكلام ده ما تعرفوش
أفكرك بيا
واللي انكتب فيا
قد البحر في يومين
ده بس في عنيا
وكتبتوا أسامينا
عالشط والمينا
وتغيبوا سنه واتنين
ولا لحظه تنسونا
وانا مش شويه
لو الشموع ما تقدش من بين الضلوع ما هياش شموع
لو الدموع ما تنور ادروبنا شموع ليه الدموع
تحبني. اطلع لي من ليلك صباح
تحبني. احملني فوق كل الجراح
مش عايزه أكتر من كده
غير اني اعيش بين الضلوع
افكرك انا مين
فتح شمال ويمين
واسأل عيون وجبين
الضي جاي. منين
ده انا القمر عندي
لا يجيب ولا يودي
وانا اللي قطر الندى
يحلم على خدي
وانا مش شويه
علي عوده
ليست هناك تعليقات:
إرسال تعليق