بس اني وهوه
كل ما اروح اهناك امر بيه
اكعد بجنبة واسئله
------ اكله
هم يمر من يمك حبيبي
هم يوكف ويتذكر العشرة
هم يسالك عني
هم اتزيد ضربات كلبه
مثلي اسمعها ضرباته
لو بس اني انشدك عن
الروح حبيبتي السمره
هم يكلك حلف ماينسه
وبسرعه ونسه
تركني بلايه عذر
ولا برر النفسه
سكت مايرد ولا جلمه
اني امس هم شفت سمره
بنفس المكان ونفس الصفه
كلتلها شيرد روحي
تتهرمش لوشفت سمره
مارضت برطمت
كالت حجايه معرفتهه
عافتني ومشت مكشوله
انكلبت من وحدة سمره
صارت تشبه النمرة
هذا الحجي مو نثر شاعر
يريد يرتب المعنه
ولا خاطره
صدكوني هذي حقيقه
حدث واقعي وي وحده
سمره ما اكدر اصبر
لو شفت سمره
عندي شهود يسمعون
الحجي وياهه
والجلمات ال كلتهه
وسمعو علي ردهه
وشلون انتفظت النمره
اللون مايخص المعنى
السكن باليسرى اهم منه
تطلع الطيبه والمعنه
مايهم سمره لو شكره
المهم كلبها يقدر العشرة
المهم كلبها يقدر العشرة
----------
بقلمي -- ابو قاسم ال حربي
،،،،، من ذكرياتي باللهجه العراقية
ليست هناك تعليقات:
إرسال تعليق