إلزم بيتك ولأولادك صلى وعلم
إنتا كبرت يا ولدى خلاص عمرك عدا أى معلم
أنا راح أسافر أخدم وطنى وإنتا مكانى
حط إخواتك جوه عينيك صلى معاهم علمهم وكمان إتعلم
يلا إحضنى يا ولدى أوام إتأخرت والقطر مسافر قوم سلم
وإتحرك أبو قلب حديد ..صفر صفر..إجرى أوام .. أصحابى إشتاقوا لصوتى
عايز أجرح صومى مابينهم .وفطارهم أنا جايبه معايا وكمان قوتى
وصل القطر قبل المغرب ..لسه المدفع جاى هيضرب قلت أنا جيت
يلا يا علوى خد منى الشنطه يلا يا مينا أنا جايب أكلكوا ويايا... فاكرنى نسيت
بسم الله يلا هنفطر ,,إيه ده يا خالد ..دوغرى صحـــــيت
أحضانكم والله وحشتنى ..رغم ان إبنى عمره تمانيه بس خلاص بقا راجل بيت
أنا وصيته يشيل أخواته جوه عنيه وكمان أمه ..والصبحيه يقوم مع جده يروح الغيط
وفطرنا وصلينا المغرب ..وأهو مينا بسلاحه بيحرص و يقول أنا صاحى زى العفريت
واتسحرنا الساعه إتنين إصحا يا مينا ,,سيبونى أنا نايم ساعتين
اصحي يا سعد فجر الجمعه مش لــ إتنين
فى عز صيامنا وقت الظهر والإرهاب واقفين صفين
وأهو خالد واقف عـ المدفع وينادى إنتوا لا ليكم لا أرض ولاحتى الدين
إضرب إضرب ..ويقع مينا ..متصاب فى الراس برصــــاصتين طيب أهرب ,.وأنا سايب راجل فى البيت يقولى يابويا أيه ومنين
ورفعت الرشاش على إيدى ويمينى عسكرى وصعيدى وينادى إضرب دول خاينين
وقع الكل حتى هريدى ..وإتصبت أنا وورايا حسين
حى على الفلاح أشهد أن لا إله إالا الله وأن محمد رسول الله وأنا ابن الأرض وابن الدين
إحكوا يا ناس القصه بتاعتى .,أنا سايب راجل فى البيت تحيا مصر ليوم الدين
..رغم الجبروت ..إرهاب ايه دول واطيين
تحيا مصر ..وشهادتى هتفضل ويايا ليوم العرض يوم الدين
أنا شهيد الوطن والعرض ..أنا اللى جد جد جدودى صلاح الدين
تحيا مصر رغم أنف المعتدين والحاقدين
ملحمه شهر رمضان
محمد طلعت
ليست هناك تعليقات:
إرسال تعليق