خوخني وردني منفوخ
دوخني وانا ندوخ
حتى بخرت بالفاسوخ
عاد عرفت راني مرضوخ
مكوي بحب ممسوخ
فقلبي كان مطبوخ
فالجلدة لقيتو منسوخ
تفاجيت ؤوليت مفسوخ
وعقلي وللى للجخ
وحمد الله على داك الكوخ
دخلت لجنان التفاح
مالقيت غي البكا(ء) والنواح
شي مضروب بالسلاح
شي راسو منو تلاح
مابقاو ناس ملاح
يساهمو فالاصلاح
ولا يدعيو للفلاح
الحب منهم انزاح
مكرو وتهرست الجناح
طفاو نور الصباح
والضلام بسلهامو لاح
دخلت لجنان الرمان
مالقيت فيه ايمان
شي سكنو الادمان
وشي تهدمولو السنان
الفقر عشش فالمكان
الحگرة فجرت الطغيان
تسدت جميع البيبان
كلشي وللى يتهان
حتى حال مابقى مزيان
الديور ولات كيفان
والناس حسبوهم فيران
ادريس جبيلو
ليست هناك تعليقات:
إرسال تعليق