أنا مليان بالوجع
وبتظاهر بالسعادة
وكل ماده
يزيد جوايا
منهم ألم
وفي الهم مغروس
للقدم
والحزن سارح
في العروق
مبلاش تدوسو
عالوجع
والحزن ليه
ملا القلوب
ويادوب بكلمه
تلاقي الهم زاد
والدمعه
محبوسه ف عنينا
وبإدينا
عايشين الامنا
وانا اللي قلبي
اديتهولهم بإيديا
وياريت صانوه
شربت منهم مر كاسي
وحزن راسي جوه مني
من سنين
وسهل ليا
اعيش ظنوني
واخطف منها اي فرحه
حتي في خباثة
واعيش يومين
منا مليان بالوجع
وبتظاهر بالسعادة
وف كل مرة
ببقي خايف
يحس قلبي
بيوم سعيد
ويكون بعيد
تظهر غيوم
تملا السما
معرفش
إن كنت عايش
ولا مليان بالعما
ربما
يحس قلبي
في عز جرحه
أو يعود بيوم لفرحة
ويمكن تطلع له
شمس يوم جديد
يمكن يحس ف يوم
بعيد
يمكن يعيشو من جديد
منا كنت بعيش
الضحكه دمعه
والدنيا لامعه بضحكها
واكمنها
سارقه من جوانا الفرح
اتحجرت جوه القلوب
احاسيس وماتت
وعملت ما بينا
وبين الفرح كتير حدود
وبركان غضب
وكان السبب
مشاعر وماتت
في القلوب
ابو رامي الاسواني
٢٩/١/٢٠٢٠
ليست هناك تعليقات:
إرسال تعليق