قالولي الناس كبرتي
شافوكِ يا أميرتي
كان نفسي كمان أشوفك
وأعرف إيه ظروفك
وازيك عامله إيه
يا ترى بقىٰ شكلك إيه
جميله زي ما إنتِ
قالولي الناس
بقيتِ شكل خالتي
بضحك يا ورد بلدي
والورد حلاوته فيه
يا ترى بقىٰ شكلك إيه
نفسي أشوفك
قبل السنين و بعد السنين
إللي ابتدت من يوم فراقنا
وخلت إسمي الحزين
فاكره لما استخبينا
من عيون الناس
وقلت لِك كِلمات
كنت كاتبها عشانك
بعد ما إحساس .. قلبي مات
يا ريت يرجع لي زمانك
مش عارف فين مكانك
كل إللي نفسي فيه
أعرف دلوقتي بس
شكلك إيه
يا ترى بقىٰ شكلك إيه
قالولي الناس كبرتي
شافوكِ يا أميرتي
كان نفسي كمان أشوفك
وأعرف إيه ظروفك
وازيك عامله إيه
الشاعر مصطفى عبده
ليست هناك تعليقات:
إرسال تعليق