إن كنت شاطر وفهمان
وحدق وفهلوي كمان
تقدر تقلي
ايه معنى البصه دية
وريني إن كنت تفهم
لغة العيون ولا لأ
والله ياصبيه
يام العيون السحرية
انت نظرتك نظرة تحدي قوية
وبتبصي لبعيد ياعنيا
عشان حبيبك يخاف منك
ومايبصش لوحده تانيه
رجليه تقصف من خوفو منك
وأعصابه ترتعش
من بصة عنيك النارية
ياربي استر يارب
وينجي حبيبك
من غضبك وغضب الرب
برافو عليك ياأنت
طلعت فهمان ياشاطر
وقدرت تعرف
انكم مالكمش امان
انتوا يارجاله
عنيكم بتزيغ قوام
لازم تحاسبوا
من غضب النساء
لان الحب عندهم
زي الفريك مايحبش شريك
٢٩ مارس ٢٠٢٠
عارف البديوي
ليست هناك تعليقات:
إرسال تعليق