ماتكتب عن ندم
ولاابن اتحرم
ولا عن حب ضاع
ولا وجع ولا الم
اكتب عن الجراح
عن العمر اللى راح
عن اليوم اللى يعدى
من غير مايكون صباح
اكتب عن الوجع
وعن اللى اتخدع
وعن كل شئ يزعل
وعن اخ مش جدع
اكتب عن اللى باع
من غير مايقول وداع
ولافكر فى اهله
ولامره كان شجاع
اكتب عن اللى غاب
وباع يوم الاحباب
ومش ورا شيطانه
من غير مايكون اسباب
اكتب عن نفس عزيزة
عزتها دى غريزه
ومهما كانت محتاجه
ماتبين احتياجها
ولامليون تبويزه
اكتب قلب قاسى
بعد هو باحساسه
عن اهله وعن ناسه
خليه دايما يقاسى
اياك مدادك يخلص
قبل ماتكتب وتلخص
وتحكى كل حاجه
عن الخاين والمخلص
اكتب ياقلم عنى
اكتب ع اللى وجعنى
اكتب وقول حكاوى
مافيش فيها غناوى
اكتب وقول لانى
قلبى دايما بيخبى
لاقال فى يوم ويحكى
اكتب عنه وقول
اكتب وقول مشغول
مشغول باللى يحبه
وغاب سنين عن دربه
غاب ومارجع تانى
اصله خلاص مش راجع
وساب قلبى فى مواجع
هو ماعنده مانع
لكن ده مش بايده
اكتبلى عن الصبر
انا عارفه طعمه مر
واهى ايام بتمر
ويعدى بينا العمر
من قدرى مافيش مفر
ماشيه ولاحزانى بجر
اكتبلى خلاص النهايه
وخلصت الحكايه
تعبت من البدايه
نفسى ارتاح م الاسر
قلبى بقى اسير
والوقت بقى عسير
ياترى ايه حيصير
من بعد العمر مامر
~~~~~~~~~~
راوية حسن
ليست هناك تعليقات:
إرسال تعليق