صامت وجوايا للصمت ألف صرخه وصوت
جوايا صرخة ألم بتقول ياناس مكبوت
والتانية صرخة طيبة خايفه ياناس لتموت
والتالته صرخة ندم على حلم شبعان موت
والرابعة صرخة لعمر كأنه شجرة توت
بعد اما طرح الحلو حس بمرار فى القوت
والف صرخة وصرخة ع المسلم اللي بموت
والدنيا سامعه والظلم حط شروط
وان جيت تقول لأه تلقى الكلام مغلوط
والصبرمحتاج زقه ليتخنق ويموت
وإسلمنا محتاج واقفه قبل الزمان مايفوت
ودينا محتاج علما مش شيخ عاملي كيوت
واديني ب اصرخ صرخة بعد إنحباس وسكوت
يمكن تصحي البعدا قبل مايجي الموت
وينكتب فى الذكرى ده كان عديم الصوت
بقلمى فهمى محمود حجازى
ليست هناك تعليقات:
إرسال تعليق