****************
محال العشق من بعدك
محال انساكي لو ثانية
محال قلبي يخون عهدك
محال يسكن قلوب تانية
ياست الحسن يا آية
ف جمال الطبع والصورة
ياساكنة روحي وعنيا
وجوا قلبي محفورة
يااجمل حاجة حصلالي
وفرحة عمر جيالي
بحبك أيوة.. سمعاني؟
دابعشقك روحي مأمورة
ساعات ارضي، ساعات اغضب
ساعات م الحنين اهرب
ساعات من بعدك اشكيلك
وساعات من قربك أستغرب!!
راح اغزل من هوايا وعود
تكون ليكي دليل مني
واثبات ان ما في حدود
هتقدر تبعدك عني
وبحبك.. أيوا هعلنها
واسجلها واعنونها
دا لو انتوا بقلبي شايفنها
لعرفتوا ايه مطمني
يااحلي سيمفونية حب
وتر قلبي بيعزفها
وحالة من جنون العشق
مش قادر والله اوصفها
بتحدي حد يشرحها
او انه ف مرة صادفها
محال العشق من بعدك
محال انساكي لو ثانية
محال قلبي يخون عهدك
محال يسكن قلوب تانية
*******************
بقلمي سامح الأطير
ليست هناك تعليقات:
إرسال تعليق