عفوا.. نفذ رصيدكم
صور ع الصفحه بهتانة
فى فضا ازرق غيام
وكله متشمر ورافع
على كله رايات الغرام
عفوا نفذ رصيدك
اشحن ضميرك ونام
قبل ماتشحن رصيدك
وتوزع صكوك الغرام
تبعتله الصبح سلام
يرد العصر بسكات
ماتشفشى منه كلام
الااما يطلب حاجات
يخاصم ولما يصالح
مصالحه اولويات
عفوا نفذ رصيدك
اشحن ضميرك ونام
قبل ماتشحن رصيدك
وتوزع صكوك الغرام
يصحى ع المعجبين وينام
ويشجيه صوت الواوات
وفاكرنا هنجرى وراه
نجوب الدروب والحارات
كان غيرك اشطر ياشاطر
وتاهو فى المتاهات
عفوا نفذ رصيدك
اشحن ضميرك ونام
قبل ماتىشحن رصيدك
وتوزع صكوك الغرام
جوهريات
ليست هناك تعليقات:
إرسال تعليق