أعدى حدود وأقول يمكن فاضل حته
أحارب الكون وأخبيكى فى كراسى
وأكتبلك كمان سطرين وهوصف بس إخلاصى
يولموا الناس وأتجاهل وأعمل إنى انا ناسى
وأقول يمكن اكيد خايفه تعاتبنى
وأقول والله على راسى
ويجى الليل يعذبنى .
كأنى قاتل انا إبنى ..انا الجانى انا القاسى
أبص لسقف حيطانى .
وأكتبلك كلام جارح..
واعيد الشكوى من تانى ..
واشكيلك ..وأقول ايوه انا ناسى
واعاتب نفسى عليكى
وابوس بخيالى إيديكى وأقول آسف انا العاصى
وأبص القمره مخنوقه..كأنها ساكنه...... إحساسى
وأفتح صوره من صورك ..وأناديكى يا بنت القلب جاوبينى
ألآقي خيال بيندهلى بصوت هادى وأقول انا والله على دينى
واسمع صوتك الدافى.يقولى تعالى كده كافى ماهو ياجيك ياتجينى
اغمض عينى من الفرحه وأرسملك من القمره انا الطرحه
وافتح عينى ألقانى فى بحر الهم انا غرقان وطعنانى سكاكينى
واناديلك بعلو الصوت
وأقول طريق مسدود وليه يجى ١٠٠سكه
انا ببكى يا بنت الروح وبتقطع يجى ١٠٠ حته
مهو فراقك دا معناه موتى بحق السموات السته
ويشهد ربى فى عرشه بإنى عاشقك ومن غيرك بياكل الحزن فى الجته
محمد طلعت
ليست هناك تعليقات:
إرسال تعليق