صفحه بيضا إتلوثت بالإنتقام
فاكره بعدى شيء بسيط والسلام
ولا إنى حد طايش قلبه ما بيعرف غرام
على صوتك .حسسينى إنى حد خساره فيه الإحترام
إطعنى السكين بقلبى وقولى وجعك هو ذنبى وإنتهى وقت الخصام
إحظرينى من دفاترك .وإكتبى عنوان جديد ..كلب وراح .زى كابوس فى المنام
حد تافه أو مريض .زى عبد من العبيد وإرفعى راسك لفوق وإعلنى موتى بسلام
قطعى أوتار وريدى ..قيدينى ..ورا ظهرى إتنى إيدى ..
وإغرسى السكاكين بقلبى وإحرقينى بنار عذابك .زيدى حبه الإنتقام
لما تدمع عينى عاشقك ..ولا قلبى يدق إسمك ..سدى اذنك..مش حرام
لما تفتكرى إن قلبى جوه منك ..إنزعيه وبكل قسوه تحت رجلك ..وكأن قلبى شئ ظلام
ولو قعدتى تحاسبى نفسك عـ السنين ,,
مره قلت ولا قلتى والحنين. غطى عينى بالتراب من غير ملام
ولو ناديتك قلبى مًجهد ..قولى غور ..روح ما تسعد ..يارب تدوق الآلام
كل ده جوه منك ..نار بتحرق ومش هعاتبك ,,ولا هقولك ..لسه عاشقك أصل عشقك مش كلام
بس أقولك ..إنزعى روحك بقوه ..جوه منى ساكنه ننى ودى مش مٌروه ..إنزعيها بدون سلام
مش هتفرق أبقى عايش ولا ميت ..أصل بعدك فى الحقيقه ..أقصى عذاب وأشد أنواع الإنتقام
والرساله مش نهايه ..لو حتى قلتى إنتهينا ,,أنا اللى عاشقك رغم موتى وجوه منى برده ليكى الإحترام
يمكن غبى أو ضعيف .أو منافق أو شريف..بس روحك مالكه نفسى غصب عنى ومش حرام
اللى يعشق حد زيك ..مهما يحصل منك إنتى .حتى لو كانت نهايتى ,,برده ليكى جوه قلبى كل حكايات الغرام
إبترى الجزء اللى حبك ...قلبى ممكن ..ولا روحى ..ولا عقلى ..إقتلى الجسم اللى اللى شايلك جوه دمه ..جوه منه ..وبرده ليكى الإحترام
بس أقولك ..كل حاجه قصاد عيونى فيها إنتى ,,رغم تعبك رغم بعدك ..برده ساكنه جوه ننى ..ومن غيرك إنتهى إنتهى خلاص لـ إبتسام
والبلياتشوا لونه إتغير ,,,شاب الشعر ولسه صغير ,ودمع عيونه جف خلاص وضاع من قلبه كل معنى للسلام
محمد طلعت
ليست هناك تعليقات:
إرسال تعليق