قومي طلعي عالبال
وتبختري وامشي
بيلبقلك الدلال دوسي
على رمشي
يادرة الادوار قومي
نفضي غبارك
ياروضة النوار
فايح عطر غارك
ريت الأمان يكون
الكِ غطا وفرشي
قامو شباب العز
عشاقة ترابك
حمْلوا مشاعل نور
مشيوا عَ منوالك
يادار اهل الطيب
قومي فتحي بوابك
شهيدنا بينده
بلكي مرق نعشي
لضوي مشاعل نور
واسجد بمحرابك
ورش الدرب منثور
وازين عتابك
وخبي من ترابك
لَ كحلة العين كمشي
ويبقى الأمل موفور
والنصر عَ جالك
وبيرجعوا الغياب
نسهر سوى ونمشي
نمشي عدرب احرار
كانوا قبلنا....
وتنبتر إيدين سارق
حلمنا....
وتعلا صوات الحق
نرسم قدرنا
وننصب الرايات
عَ قمة العرشِ
صالحة ابوصعب السويدا سوريا
ليست هناك تعليقات:
إرسال تعليق