بقوم الليل وبدعيلك يرق قلبك وبس ترميلى السلام
كل الحكايه أنى من غيرك زى طفل هجر قلبه الإبتسام
وأبدأ رسالتى بالصلاه والدعاء ربى يحميكى من الألام
صباح الحب بكتبلك وغنوه جميله بهديها وفيها أعذب الكلام
كتبالى سطرين على الورق إن اللى بينا ممكن يكون زى الأحلام
هفكرك لو كنت ناسيه إن وجودنا معناه حياه معناه وجود ومش خذلان
هتفوت سنه هتفوت سنين يا جوه قلبى إنتى الأمل أنتى الأمان
الفراق انك تفارقى روحى وكيانى ..انى أعيش لحد تانى وإنى اقول دا كان وكان
عارفه النهارده أنا اللى بكتبلك بروحى وأنا اللى قاعد فى مكان لقاونا ..نفس المكان
نفس فنجان قهوتك ..وبرده سكر قليل..لكنى شايف إن المكان أصبح حزين
الست يتغنى بصوت بكاء ..حكم علينا علينا الهوا ..وجوه منى جرح وأنين
غمضت عينى قلت أحضنك وأنا ببتسم..فتحت عينى زاد البكا من الحنين
مسكت كراسى ومسكت قلمى قلت أرسمك .راح رد واحد وقالى عنك غايبه لسنين
قال انك انتى ليكى قعدتك ..ليكى قهوتك ودايما ماسكه للقلم بتشخبطى فى صورة جنين
نظر إليا وراح قايلى الصوره اللى انتى دايما بترسميها بتشبه كيانى .
.ذادنى بكا..رغم انى أصلا من غير وجودك ..كل الوجود أصبح حزين
طويت كراسى بإيدى ..وقلت امشى ..اسيب المكان ..نزلت دموعى وزاد الألم ويا الحنين
ااااه ..لو كانت الاه ليها صوت
اااااه لو كنتى سمعانى
انا من غيرك صابنى الجنون ويا السكوت
انا اللى بكتب بترجى طيفك ..
سامحى يا عمرى ..
من غير وجودك انا بموت
وصلاه الحب مش إلحاد ولا هى كفر بالاله
بحبك # وحشتينى
#بلاعنوان
بقلمى
محمد طلعت
ليست هناك تعليقات:
إرسال تعليق