إجمع معانى الصبر وإعمل بها كراس
فاضل شويه وبس على القيامه خلاص
كان إسمها فاطمه معروفه بالإخــلاص
قربت منها ناديت ...أؤومر يا سيد الناس
جوايا رعشة جريح ..جوايا ليكى أساس
جوه عيونك ليل والشعر لونه أسمر كألمظات أو ماس
وقفت ماتكلمت ولا حتى أنا سلمت من عظمة الإحساس
ندهتنى إتكلم .حساك بتتألم قولى حكايتك إيه ولا تحبس الأنفاس
سكت اللسان كالحجر..جوايا دمع كمطر..
أصرخلها بحبك .ولا دا شيئ مــ الخطر
كلمتها استنى .بصى لـ عيونى إتأنى هتلاقى كل العبر
عاشقك بقالى سنين ..::::::
ولا قادر أتكلم ولاحتى أنا بسلم ..يمكن دا حكم القدر
بصتلى إستنى ..جوه عنيك جنه .إنتا ملاك مش بشر
شبكت إيدها بكفى ..وندهت إقف صفى وقالت أحلى خبر
حساك أنا وزماان..وياك أنا فى أمان ..تعبانه أنا من السفر
وبدأت القصه
فى صباحى بندهلها وأحكيلها كام قصه ..فى الليل بيحلى السهر
ويفوت عام ورا عام ..وأنا عمرى يطلع كام ..مفيش حساب للعمر
ويا فاطمه أنا عاشقك ..تضحك وأنا عشقاك ..والقلب ليك والأمر
وحكايه بكتبها .تابعونى هــ حكيها ..بكل حلو ومر
وللحديث بقيه ..ربى الكريم يسعد كل حبيب بحبيبه مايدوق يا ناس المر
بقلمى
محمد طلعت
الاسم المذكور بالقصه ليس له أى صله بأى شخصيه فى الواقع الحقيقى للقصه
خالص تقديرى للجميع
ليست هناك تعليقات:
إرسال تعليق