كان يا ماكان
فِ عَزْ الأيام
الجار لِ الجار
صَمْطَة ؤُ حْزام
يتقاسمو المُرَّة
ؤلحلوة عل الدوام
الباب عند الباب
لَقْدَر ؤ الاحترام
لاخديعة فالقلب
لا منكر ؤلا حرام
الدايم الله
تغيرت لقوام
قلوب معمية
ؤ كترة لكلام
العولمة طغات
نتاشر الظلام
لا صحبة نقية
النكد ؤ لسقام
حب الذات
آش هاد العالام
الجار ما يعرف جارو
لا تحية لا شوفة
لا نظرة لا سلام
الدايم الله
قلوب توسخات
بحب المال
مشات القناعة
وكل شي بهات
صفار مات ؤ ذبال
حميد النكادي فبراير2020 فرنسا
ليست هناك تعليقات:
إرسال تعليق