****************
يا حسْـرة القلم
لمّـا بيلم من عمرى الفُـتات
بيلاقى كل سنينى
ساكنه فى السكات
وان صوتى يوم عِـلا
بيشدنى لظلم الأهات
يا حسرتى على غربتين
غربة وطن
وغربة قلب
قبل ما اتولد مات
اصرخى يا امّـه
واكتبى نهايتى بدموعك
واعلنيها فى الشوارع والحارات
خـلّـى صرختك
أعلى من صوت الأدان
أعلى من جرس الكنايس
أقوى من غدر الزمان
قولى أملى الحلو مات
وان سألوا عن سبب الوفاه
قولى سبب الموت سُـكَات
******
فيصل بدر
ليست هناك تعليقات:
إرسال تعليق