الطريق
الطريقه بيننا افترق
وحبنا راح واتحرق
وعمرنا ضاع واتسرق
كان يجرى ايه لو تفهمينى
وترحمى الدمع فى عينى
كان كل املى ترحمينى
هو الفراق عندك بسيط
ولا انتى محتاجه لوسيط
يعرف حكايه حبنا
كنتى اعرفى منى السبب
ونحلها مع بعضنا
الاختلاف فى الحب عادى
اه بعشقك من يوم ميلادى
بس انتى دايما تجرحينى
وبتفرحى لجرحى وانينى
وكتير حاولت افهمك
لكن انتى رافضه اكلمك
حبل الوصال بيننا انقطع
حتى القمر راح واختفى
من بعد مانوره سطع
والشمس غابت فى السحاب
من كتر هجرك والعتاب
حتى النجوم فى مدارها غابت
من الفراق كبرت وشابت
بكره فراقى هايوجعك
خلى غرورك ينفعك
الفين وداع لعمرى اللى ضاع
ده حب ولا كان صراع
وطريق طويل مكتوب عليه
بدموع عيونى كلمه وداع
شعر أحمد اسماعيل / شاعر العرب
ليست هناك تعليقات:
إرسال تعليق