جواز بالدين (450)
......................
له سنين ما أتغير
ولا غير شبرين في حياته
طول عمره بخيل أيحه
معذب زوجته وحماته
بيعد الطقه ويحسبها
للفرد رغيف
وأوامره يوماتي
ما نتعشى وتناموا خفيف
لا بنشرب شاي ولا بندوقه والسكر غالي
جنازير على باب الثلاجه
مسجونه قبالي
والواد جه يوم أشترى شيبسي وبنبون وتسالي
جاله جلطه وضغط وكيس سكر نجدوني جيراني إنزلي رجعي
كيسه الشيبسي
يرتاح كده بالي
ممنوع ولا نعزم ونضايف قافل باب دارنا
وإن حد عزمنا نبات عنده ونحلي مرارنا
يرجع ده شايل ومحمل
من شقه جارنا ..
خسينا النص بقينا هيكل وأثواب لعظام
من القحط يا ناس أمي
وراحت ماتت يا مرار
قام نادى عالواد ستك ماتت نقص رغيفين
ده قطيعه البخل وكات سيرته وجوازه الدين
بقلم .. صبري رسلان
ليست هناك تعليقات:
إرسال تعليق