الشاعر صبري رسلان

ريحه الورد (449)

..............

وحلمت كثير

بالثوب لأبيض والتاج والطرحه ..

ولا كان على باللي أنا هتجوز وأعيش الفرحه

فكراها الدنيا الورديه

بستان فيه سارحه بالنقشه كفوفي محنيه

ولا شايله وحاطه ..

هانم هتستت وأتغندر

ولا طبخ وشطه

كانوا هما يومين طشتين محشي مع فرخه وبطه

وغسيل وكأنه لكام عيله

فوق همي وورطه

كراكيب تنظيف أعملي هاتي على سنجه عشرة شملوله ووقعت من

طولها حسدوها الشاطرة

فوق ال ٩٠ خست راحت

كام بوصه وشارطه

ولا يوم من أيامك يا أمه ولا خلفه وورطه ..

مش كل جواز شهد مكرر ولا حب وقاطره

ولا ريحه الورد عبير دايم له وقت وفتره

شوفوا نفس العود فارد حيله على رأسه الورده

ده لا كل ومل شايلها ما خل شريك فى الجنه

إن هز العود شم عبيرها بمشاعره الجاريه

كده ريحه الورد هتتجدد

ووداع للبايره ..

إقفلي على بيتك وبأيدك

ما المركبه سايره

بقلم .. صبري رسلان