*** مجرد حلم ***
بحلم حبيبي بحضن دافي
يكون معايا ضل وسكن
وايد تطبطب وقت التلاقي
ولحن يمحي صوت الشجن
بحلم أشوف عينك قصادي
تسمع حنيني وقلبي ينادي
يا حب عمري عشته ليلاتي
تهون حياتي وارضي فؤادي
بس عارف أن اللقا بينا محال
وأن حلمي دا درب م الخيال
زي كلام الليل يتغنى ف الموال
يطلع عليه النور يعشق الزوال
عارف أن قلبك عمره ما حس بيا
واللي عندك يا دوب صداقة أجمل هدية
أو أخوة تجمع ما بينا لحظة شحن
ودي كفاية من الحياة والدنيا ديه
بس أعمل إيه في قلبي حس بيك
أعمل إيه وأنا بعشق نور عنيك
أعمل إيه في شوق بيحن ليك
والا عقل ما يفكر إلا فيك
شوف لي أنت حل يمحي نبض قلبي
واللا تعويذة تغير شوقي وحبي
أو أستيكة تمسح صورتك بعقلي
لو لقيت قولي وأنا راضي بتعبي
هرضى أعيش جوه حلم جميل
ما الحلم للممنوع هو الحل البديل
يمكن أشوفه يوم فى الدنيا بقى واقع
أصل الحلم دايما ميعرفش المستحيل
***********************
بقلم / مصطفى كرم
ليست هناك تعليقات:
إرسال تعليق