((ايوه بحبه))
بقلمي ((منى شحاتة))
جمهورية مصر العربية
عارفين ايه هو الحب
عارفين ايه معناه
أنا خدني الحب لفوق
وطرت اهو في سماه
مين فيكوا يعرفوا
مين فيكوا يقدره
مين يعرف حقيقي
معناه
الحب ده اجمل شيء واهو أنا بعترف إني ياناس
بهواه
بطمن وأنا جنبه
بطمن وأنا معاه
وبشوف الدنيا حلوه
حقيقي وأنا وياه
قلبي اللي كان خايف
يقرب تاني لحد
أهو بيدق بإسمه أهو
أنا سمعاه
بيقولي بحبه اوي
وده اللي أنا عايزاه
كان مات خلاص م
القهر لكنه جه
أحياه
كان عايش في صحرا
ضلمه جه نورها
بضياه
نورله كل طريقه وزرعها
زهور حواليه الله
ماأحلاه
وما احلى شذاه
كنت بشك فيه دلوقتي
مصدقاه
كان مني سوء ظن
خفت يكون شيطان
زي اللي قبله
القاه
لكن عاهدني عهد وأقسم
كمان بالله
أنه يحافظ عليا لأني
لروحه هواه
ولدنيته وحياته أنا ابقى كل مناه
حط إيده على إيدي
ودعينا سوا
الإله
أنه يسدد خطانا وطلبنا منه
رضاه
ليست هناك تعليقات:
إرسال تعليق