اصدقائي... محبتي لكم لا تنتهي
ليس بالضرورة كل ما اكتبه عشته أو أعيشه ... لكن يساعدني الخيال في رسم الكلمات كما رسم اللوحات
.............................
اخر ما كتبه قلمي من الشعر المحكي..الغزلي......
...................................
شربنا قهوة صبحية
جنب الوردة الجورية
ويا ريت بترجع ايام
ايامك يا علية
بتحب القهوة بكير
مع زقزقة العصافير
ولما القهوة بتغلي كتير
بتجهيز هالصينية
فنجانا وفنجاني تنين
والرغوة لون الخدين
شفت الدمعة جوا العين
عم بتمشي بالساقية
القهوة سخنة متل النار
والورد مفتح ازرار
من شعرا شميت الغار
نسيت القهوة الشامية
رح بصرلك هالفنجان
وشايفتك انك بردان
ما تهكل هم الخلان
قلن نسمة غربية
قالتلي بحب حروفك
ويتمنى الليلة شوفك
يا الله شو هالفنجان
فنجانك في حنية
غصنك لعندي لا تميل
بفنجانك زهر وتقبيل
ما في ولا فيك تشيل
اسرار القدموسية
كاسة متة ببورين
احلى من الغمزة بالعين
بوسة نقدي وبوسة دين
تحت التينة الشتوية
منشوراتك فيها سر
وزيّن فستانك هالزر
اوعى تقليلي منغر
بلمساتك هالفنية
ما حسبتلك بالفنجان
بقلبي رسمتلك عنوان
بس تدقيلي سهران
عندي الرنة سرية
رح ازرعلك شجرة بن
كل ما شفنا عليك بحن
ومن كلماتك يمكن جن
منتلاقى بالبرية......ما احلى هالصيفية
....الى لقاء اخر ومحطة أخرى.......يسعد مساكم
احمد درويش.
ليست هناك تعليقات:
إرسال تعليق