ساعة العصاري ..هلاوس 9
في البلكونة وانا قاعدة
اراقب زرعتى وازهارها
والنسمة تهزها وتهديني
عطرها والخضرة حولية
ما هو زرعة ايدية وسقيتها
وبرموش عينية راعتها
سرحت سرحة طويلة
خدتني ايام المدرسة
لما سمعت اول كلمة
غزل وحدفني بوردة
وجري بعيد خدت الوردة
في الشنطة بسرعة حطتها
خفت من العيون لتشوفني
واللي حصل يكسفني
سرعت خطوتي ووصلت
للبيت طلعت الوردة
اشوفها شفتها تاني
خلتها في كرستي
خلتها في شنطتي
لفيت حولين نفسي
وسألتها ايه سرها
ليه شدتني و بسرعة
صعد الدم في وشي
وحسيت بحرارة شديدة
والدم في الخدين قرب
يطلع مني وحرارة في
القلب وتفكيري تاه مني
احساس غريب ورعشة
خفيفة عجبتني تاه
التفكير مني تاه
دورت علي نفسي
أتاري نفسي فرحانة
لأول مرة قلقانة
حشوفه تاني
ولا حينساني نعست
لحظة وشفته في منامي
وأصبح فتي أحلامي
سميحه علي الفقي
ليست هناك تعليقات:
إرسال تعليق