*/*/*/=0= ياحلم =0=***
ه---------------------------ه
شفتك بالحلم شو كنت جوعان
***/0*** قلت لو طل الفرح
بريحتو بشبع
ه
تاري سراب الحلم بيتوه العطشان
***/0*** ويضيعو ب هالليل
والقلب يتوجع
ه
ياريت لو توقف ساعة النسيان
***/0*** وليلة سعادة بس من
الحلم ارجع
ه
ونيم حروف الشعر بخمرة الحرمان
***/0*** لا الشمس طلت ولا
المسا بيرجع
ه
بليل البعد بيموت الزهر بنيسان
***/0*** وعيون تغرق بالدمع
مابقى تقشع
ه
لولا الامل والحب شو قيمتو الانسان
***/0*** لو داقت عليك الدني
مابقى توسع
ه
يافرج وين المطر هالجسم تعبان
***/0*** بكرى الزرع بيموت
المطر مابينفع
ه
بيكفي ياعتم الليل توجع السهران
***/0*** بكرى الفرح جايي ياحلم
عم تسمع
ه
خلي الامل وجبة لوكنت جوعان
***/0*** بكرى بيطل الفجر
والشمس راح تطلع
ه
ه*******************************ه
صباح الامل والرجاء
صباح المحبة
اصدقائي
ه---------------------------------ه
الشاعر السوري المهجري . د اليان سمعان
سفير السلام في كاليفورنيا . الولايات المتحدة
ليست هناك تعليقات:
إرسال تعليق