جيل ماشي كالاجيال
الجزء الخامس
الحرف ف السطر
يرعش مصرصط
مداده اتنشر
ف الساحة يخربط
والمعنى بلا صبر
تقفقف وتنخطط
الاوراق ساردة
معنقة الخريف
تسقط مفاردة
من كرمة تعريف
والموت مجردة
تلوي عريف وشريف
فين الگواشش والمتارفية
فين الذبيحة والسبنية
فين الكارو والهدية
فين العود والعمارية
فين المراية والوصية
فين السروال والعذرية
كل شي رحل
رحلة بلا رجوع
وكل شي وحل
والفراق موجوع
شي جاي
وشي غادي
والنقطة عل الزاي
قلزت يااولادي
الجماعة تغيرت
وماعادت تتمر
الجوف تكبرت
وماطلع له زهر
كل راجل وامر(أ)ة
اتكوى بهاد الجمرة
طفألهم ضو(ء) الگمرة
ماحافظوا عل التمرة
وف قضاء الأسرة
اعدموا حبل الصرة
ادريس جبيلو
ليست هناك تعليقات:
إرسال تعليق