إن كنت
قدي وقد التحدي
وريني شطارتك ياشاطر
واقدر اصمد أمام حلاوتي
أن كان عندك خبرة قوية
بفن التعامل مع الحسناء ديه
اللي هي انا ياعنيه
اكشف اوراق لعبتك
وعاملني بكل رقة وحنية
على فكرة إن كنت انت عنتر
انا عبلة مسوسحاك ياعنتر
مدوباك بنظرة من عنيا
مهما حاولت تتظارف
وتعمل حالك فهلوي
وانك صاحب ضحكة قوية
مالكش زيي بخفة دمي
ودلعي ودلالي
ياروح قلبي
دنا دمي شربات
وروحي مرحة
ونفسي هنية
إن كنت جامد قوي
وتتحمل جمالي
مايغماش عليك
وقتها اشهدلك ميه بالميه
ايه ياحضرت
مالك ساكت ليه
مابتنطقش ليه
ارتبط لسانك
ولا ايه صار بحالك
اتخرست خالص
---------
والله يابنت يابراويه
ياحلوة قوي وقوية
يامدلله ومتدلعه
انا انسحب
من المسابقة ديه
وأعلن انهزامي
أمام سحرك
وفتنتك وجمالك
ماأقدرش اصمد
أمام ضحكتك القوية
وروحك الصافية النقية
الافضل ليا
الهروب من الورطه ديه
ومعلش الف مرة
يقولوا جبان
ولا مرة يقولوا
ربنا يرحمه
مات شهيد
البنت الرائعة دية
--------
ياعيني خاد أوراقه
وبسرعة تفوق سرعة الصوت
قال يافكيك
وشمع خيطه
وماعادلوش اي أثر
ادم انهزم يارجاله
٤ اكتوبر٢٠٢١
عارف البديوي
ليست هناك تعليقات:
إرسال تعليق