القلب لهشيش...
بقلم : حميد النكادي...
ايه يا القلب لَهْشيش
لِّي جَا يرعى ...
ؤ يحسبك فدان
ربيع ؤ حشيش ..
مسكين بوجَادي
ما تفرق بين الوافي
وبين صحاب النْهيش
الضرع كبير عامر
والمَصَّاصَة جيش
شحال قدك تصبر
إلى أنت باغي تعيش...
فيق شْوِيَّا ؤ فرق
بين لعدو والصديق
واخ شحال من ذيب
فْ صيفة لخروف
يْدِّي ؤ يجيب فالسوق
ما تعرفو حتى يْكَشَّر
ؤ ينهشك من
لْتَحْت حتى لَلْفوق...
ايوا فيق ؤ عيق ...
حميد النكادي 29/10/2021
ليست هناك تعليقات:
إرسال تعليق