(( رسالتي الأخيرة))
بقلمي ((منى شحاتة))
جمهورية مصر العربية
همشي وهبعد.. بعيد
ماهو كل شيء ..انتهى
معدش خلاص.. يفيد
كلمة وانت...قولتها
اقول ليه وازيد
ونفسي... كسرتها
مافيش كلام.. جديد
قصتنا ...قفلتها
بعد رسالة تأكيد
منك انت ...بعتها
برغم إحساس أكيد
لكني مستغربه قدرت ازاي تقولها..
وازاي... نطقتها
على نفسك ليه ..
عنيد
ليه .. بس عذبتها
القلب كان لك
عبيد
والروح كانت معاه لكنك...قتلتها
ليه تايه ليه..
شريد
لقصة قديمة... عشتها
قوم ياله خليك.. شديد
وحياتك...
ارجعلها
قوم وأبدأ من..
جديد
بطفولة كلنا... بنحبها
نفسي اشوفك... سعيد
عيش وقتك.. وافرحبها
وزي ماربك... يريد
خير مسير ...لها
الحياة ملهاش... تمديد
لو ضاعت تبقى .. خسرتها
خليك جامد ..حديد
دي رسالتي الأخيرة ليك..
ومافيش خلاص... بعدها
ليست هناك تعليقات:
إرسال تعليق