**الوعـد**
كان الوعد إني عليك ما أغار
وأعيش العمر قربك كما الأحرار
لكني غِرت من لهفة شوق مش ليه
من ضمة حب بعدك ضاعت من عنيه
كان الوعد إني عمري ما أبكي بعدك
وأفرح لو الفرح رفرف ودق بابك
لكني غِرت من لذة عشق كانت ليه
وصبحت خلاص بعيد عن إيديه
بحاول أنسي الوقت ياريته يعدي
بيعاند فيه وكأنه واقف ضدي
زمان كان الفراق مكتوب بكلمه
دلوقت الفراق محسوب عليه
الوعد مني سيف بسلاح ولو قتلني
هبعد عن دربك وأحضن ذكرياتي
وإفتكر إني قلت لك ياعمري
معاك كانت أيام طفولتي
حتي الزمان ماخدنيش منك في شيبتي
لكن وعد الوفا خد كل حاجه لك مني
بس مش هكدب وأقول ما غِرتش عليك
ولا إني حسيتك ضعت مني وبإيديه
لكن سامحني فايته معاك حته مني للذكره
بقلمي سهام اسامه
Seham Osama
ليست هناك تعليقات:
إرسال تعليق